Fréttir

30. Ratleikur Hafnarfjarðar hefst brátt, en búið er að leggja leikinn og kortið fór í prentun í morgun. Vonast er til að það náist að fá kort úr prentun föstudaginn 29. maí. Þema leiksins í ár er „Hraunin ofan Hafnarfjarðar“. Það kemur kannski ekki á óvart í framhaldi af birtingu áhættumats vegna mögulegs hraunrennslis. Það eru gömur og „ný“ hraun í bæjarlandinu og ekki er óalgent að hraun hafi runnið yfir önnur hraun. Nöfnin á hraunum geta verið ruglingsleg, t.d. eru fjölmörg nöfn á Búrfellshrauni, allt eftir því hvar það hefur runnið. Það er fróðlegt að skoða hvar hraun mætast, sjá hvar gróður í hraunum er mikill eða nær enginn. Hraunin hafa greinilega ekki verið hindrun fyrir bændur fyrr á öldum sem nýttu þau fyrir sauðfé á sumrum. Þó nokkur sel eru í landi Hafnarfjarðar, þar sem fólk dvaldi með fé og hefur reist „hús“ til að dvelja í. Selin sjást jafnvel á loftmyndum vegna þess hversu vel þau [...]

Jólaratleikur Hafnarfjarðar er ratleikurinn í miðbæ Hafnarfjarðar sem  gerður að beiðni Hafnarfjarðarbæjar. Á 15 ljósataurum, sem prýða stór skilti með jólasveinum, eru límmiðar, merktir Jólaratleik og á þeim er QR kóði sem þátttakendur skanna með síma. Það leiðir fólk á síðu þar sem er stutt frásögn af viðkomandi sveini og lausnarstafur. Smelltu til að stækka Staurarnir með jólalsveinunum, Jólakettinum og Grýlu og Leppalúða eru 15 og því 15 lausnarstafir sem mynda lausnarorðið. 15. merkið leiðir þátttakendur á síðu þar sem lausnarorðið er ritað inn ásamt upplýsingum um þátttakandann. Dregið verður svo úr réttum lausnum og verðlaun verða veitt á Þorláksmessu í Jólaþorpinum Listamaðurinn Jean Antoine Posocco teiknaði jólasveinana, sm hafa prýtt miðbæ Hafnarfjarðar frá 2014. Hann gerði fyrstu skissurnar af jólasveinunum árið 2002 og komu þeir út í bók árið 2005. Leikurinn er hannaður af Guðna Gíslasyni hjá Hönnunarhúsinu ehf., útgefanda Fjarðarfrétta, fyrir Hafnarfjarðarbæ. Hjálparblað má fá á Bókasafninu, Byggðasafninu, Hafnarborg og í gróðurhúsunum á Thorsplani eða [...]

Þema Ratleiks Hafnarfjarðar er hraun og skyldi engan undra miðað við þann áhuga sem fólk hefur á eldgosinu á Reykjanesi. Margar eldstöðvar eru ofan við Hafnarfjörð og mörg hraun hafa runnið og oft yfir fyrri hraun. Hraun rann til sjávar við Straumsvík á sögulegum tíma og byggðin á Völlum og sunnan Hvaleyrar eru því á hrauni sem runnið hefur eftir að land byggðist. Ratleikskortið hefur verið sent í prentsmiðju og er því væntanlegt í næstu viku. Búið er að leggja út flest merkin og verðu þeirri vinnu lokið um helgina. Ratleikurinn er unninn af Hönnunarhúsinu ehf. og hefur Guðni Gíslason lagt leikinn og notið við það góðrar aðstoðar Ómars Smára Ármannssonar, fornleifafræðings, sem heldur úti fróðleiksvefnum ferlir.is Leikurinn er sem fyrr gefinn út í samstarfi við Hafnarfjarðarbæ en fjölmargir hafa styrkt útgáfu leiksins með auglýsingum og vinningum sem eru fjölmargir. Upplýsingar um staðina og myndir eru þegar komnar hér á vefinn. Ratleikskortið sem er frítt að vanda mun liggja [...]

Vinnsla á Ratleik Hafnarfjarðar 2020 er í fullum gangi en í ár leiðir leikurinn þátttakendur vítt og breitt um bæjarlandið og til nágranna okkar einnig í Garðabæ. Landamerki, fjárborgir, stríðsminjar, jarðmyndanir, regagildra, sel, skúti og fleira verður meðal þess sem þátttakendur munu koma að sem og magnað jarðfall sem er eins og trekt í laginu. Stutt er í að farið verði með merki út og vonandi næst að setja kortið í prentun fyrir mánaðarmótin svo leikurinn geti hafist í byrjun júní. Sjá nánar um leikinn hér. Helgafell

Hafnarfjarðarbær og Hönnunarhúsið ehf. hafa tekið höndum saman í samkomubanninu og gefið út Litla Ratleik í fyrsta sinn. Litli Ratleikur Hafnarfjarðar er ætlaður sem hvatning til útiveru í og við byggðina í Hafnarfirði. Var opnað fyrir leikinn formlega á Hamrinum í dag. Þessi nýi ratleikur er með 15 stöðum til að byrja með og eina sem þarf er snjallsími eða spjaldtölva til að hafa með sér og smella á linkinn ratleikur.fjardarfrettir.is/litli-ratleikur-hafnarfjardar og fylgja leiðbeiningum í texta og á myndum. Þátttakendur eru hvattir til að taka myndir og deila á samfélagsmiðlum með myllumerkinu #LitliRatleikur Leikurinn er gerður að beiðni Hafnarfjarðarbæjar en Guðni Gíslason, ritstjóri og skáti, hefur lagt leikinn en hann hefur lagt Ratleik Hafnarfjarðar frá 2007. Markmið leiksins er að leiða þátttakendur vítt og breitt um Hafnarfjörð á tímum samkomubanns og hvatning til íbúa að njóta útivistar og náttúrunnar í heimabyggð um páskana. Stýrihópur Heilsubæjarins Hafnarfjarðar hvetur bæjarbúa til að taka þátt í nýjum og skemmtilegum ratleik í og [...]